Bakı və Ankaranın yeni dünya düzənindəki ciddi aktor rolu - ŞƏRH

“Şuşa Bəyannaməsi Azərbaycanla Türkiyə arasında “Bir millət, iki dövlət” şüarının məntiqi nəticəsinə uyğun olaraq imzalanan çoxşaxəli müttəfiqliyin rəmzidir.

Bəyannamənin imzalanması, müttəfiqlik münasibətlərimizin qeyri-rəsmi formadan rəsmi forma almasını  təsdiqlədi. Biz artıq sənədin imzalanmasında keçən bir il müddətində bunun şahidi olmaqdayıq”.

Bunu “Ölkə.Az”a açıqlamasında deputat İltizam Yusifov deyib.

Onun sözlərinə görə, tarix boyu Azərbaycan-Türkiyə münasibətləri yüksək səviyyədə olub, amma Şuşa Bəyannaməsinin imzalanması ilə münasibətlər ən yüksək zirvəsinə yüksəlmiş oldu. 

“Müttəfiqlik əlaqələri çox geniş spektri özündə ehtiva edir. Bu sənəd eyni zamanda  Azərbaycan və Türkiyənin 44 günlük müharibədən sonra, eyni zamanda  dünyanın, o cümlədən Avrasiya coğrafiyasında  yeni düzənin formalaşdığı zamanda dünyaya verilən ciddi bir mesaj idi.  Verilən bu mesaj dünya birliyi tərəfindən müsbət qarşılanıb  və iki qardaş ölkənin yaratdığı reallıq qəbul edilib, dəsdəklənir. Məhz  bunun nəticədir ki,  iki qardaş ölkə yeni dünya düzənində, xüsusən də Avrasiya coğrafiyasında yeni təhlükəsizlik arxitekturasının formalaşmasında  və onun təmin olunmasında ciddi aktor rolunu oynamaqdadır”- deputat qeyd edib.

Deputat əlavə edib ki, Bakı-Ankara müttəfiqliyi təkcə Qafqaz bölgəsində deyil, o cümlədən Qərblə Şərq,  hətta Avrasiya ilə Afrika arasında sıx və etirbarlı bir əməkdaşlıq platformasının yaradılmasında çox yaxşı perspektivlərə malikdir: “Bu müttəfiqlik münasibətləri əməkdaşlıq platformasının formalaşmasına töhfəsini  verməklə yanaşı, Avrasiya coğrafiyasında sabitliyin  və inkişafin təmin olunmasına  xidmət edəcək.  Nəticədə  iki ölkənin mövqeyi və nüfuzu beynəlxalq aləmdə  möhkəmlənərək artacaq. Qarşıya qoyulan bütün hədəflərə nail olunacaq”.

O bildirib ki,  44 günlük müharibədən sonra iki qardaş ölkə arasındakı müttəfiqlik münasibətləri bütün sahələrdə real şəkildə həyata keçirilməkdədir: “Bu istər  işğaldan azad olunmuş toralqların  yenidən bərpa  olunub, inkişafa nail olunması, istər  hərbi quruculuq sahəsi, istər siyasi, istər beynəlxalq münasibətlər sistemində, istər enerji, istər iqtisadi, istər nəqliyyat, kommunikasiya, tarnzit yükdaşıma, istər  təhlükəsizlik  və sair sahələrdə özünü göstərir.

Ordu  və hərbi sahədəki əməkdşalıq nəticəsində Azərbaycan ordusunun daha da güclənməsi və döyüş qabiliyyəti yüksək olması məqsədi ilə tamamilə yeni qaydalara uyğun şəkildə formalaşdırılır. Bu məqsədlə komando tipli çevik ordu qruplaşmaları yaradılır. Hərbi-texniki sahədə də əməkdaşlıq yüksək səviyyədə davam etdirilir. Elə mayın sonunda Bakıda təşkil edilən TEKNOFEST, davamlı birgə hərbi əməliyyatlar bunun bariz nümunəsidir.

Bu mütəfiqlik sənədi bütövlükdə bütün Cənubi Qafqaz ökələrinin  enerji, nəqliyyat, logistik bir qovşağa çevrilməsində müstəsna rola malik olacaq və bölgədə sülhün, sabitliyin, sıx inteqrasiyanın yaranmasına gətirib çıxaracaq ki, bu da hamımızın marağındadır.  Bu müttəfiqliyin nəticəsi olaraq Azərbaycan qarşısında duran hədəflərə, o cümlədən xalqımızın rifah halının təmin edilməsi ilə bağlı bütün planları reallaşacaq.

Xüsusən də Zəngəzur dəhlizinin reallaşması ilə Azərbaycan dünyadakı geosiyasi mövqeyini möhkələdəcək. Bu layihənin reallaşması isə xalqımıza təkcə sülh və sabitlik deyil, eyni zamanda firəvan bir həyat vəd edir. Əminəm ki, bütün bunlar ən qısa zamanda reallaşacaq və biz bunun şahidi olacağıq. Bununla da Cənubi Qafqaz  Qərblə Şərq arasında  hərtərəfli çox sıx və etibarlı qovşaq rolunu oynayan bölgəyə çevriləcək. Və bundan bütün bölgə ölkələri və xalqları faydalanacaq”.