Aygül Bağırova :Siyasi ölü"lərin yeni şousu...

Bir neçə gündür davam edən Rusiya-Ukrayna müharibəsində sosial şəbəkələrdə ən çox rastlaşdığımız ifadələr siyasətçiləri kölgədə qoyan dırnaqarası "politoloqlar"ın yazılarıdı!!!
Siyasi məsələlərə hər kəsin reaksiya verməsi insanları iki məqama görə narahat edir:

1) Fikir çoxluğu başqalarını azdıra bilər.

2) Prosesi anlaya bilməyənlərin pafoslu çıxışları başqalarının anlamasına mane olur 

Rusiyanın Ukraynaya hərbi təcavüzü Azərbaycan xalqının da qəzəbinə və dərin narahatlığına səbəb olub. Dünyanın hansı ölkəsində yaşamasından asılı olmayaraq, azərbaycanlıların mövqeyi net və ədalətlidir: Rusiya işğalçı siyasətini dayandırmalıdır. Təsadüfi deyil ki, dünən yüzlərlə azərbaycanlı Bakıda, Ukraynanın Azərbaycandakı səfirliyinin qarşısında qardaş Ukrayna xalqına dəstək nümayiş etdirdi.İkinci Qarabağ Müharibəsi zamanı Ukrayna xalqı Azərbaycan xalqından öz siyasi dəstəyini əsirgəməmişdi.Amma bu aksiyadanda istifadə edən "siyasi dəllallar" yağışdan sonra çıxan göbələklər kimi peyda olublar.“Mahir” oyunçu Tofiq Yaqublu və Gültəkin Hacıbəyli fürsətdən istifadə etməyə başlayıblar.Deməli, G.Hacıbəyli və T.Yaqublu Ukrayna səfirliyinin qarşısında aksiya keçirən insanların arasına daxil olaraq, oradan fotolar paylaşıblar. Özlərinin bu fotolara yazdıqları şərhlərdən aydın olur ki, onlar bu aksiyanı da öz adlarını çıxarmaq istəyirlər. Guya Azərbaycan xalqı bunların sözü ilə aksiya keçirir və təşkilatçılığın da başında məhz bunlar dayanır.Bu bədbəxtlər sanki kar və kordurlar könüllərindən keçəni reallıq kimi qələmə verirlər. Aydındır: nəyin bahasına olursa-olsun siyasi gündəmdə yalançı müxalif kimi qalmaq istəyirlər. Məşhur filosof Fridrix Nitşe də deyir ki, həyatda iki yolla ucalmaq olar – öz üzərində işləməklə və başqalarını alçaltmaqla. Birinci yol intellektualların, istedadların yoludur, odur ki, “bizim “qəhrəmanlar” ikinci yolu tutublar. 
“Milli Şura” haray-şivənçilərinin səfirliyin qarşısındakı "şüarları" ilə özlərinə əl qatmaları sözün həqiqi mənasında ürək bulandırır. Bu isə bir daha sübut edir ki, xəstə təfəkkürə və sözün əsl mənasında, erməniçiliyə xas olan davranışlar biz gənclərin hiddətinə tuş gəlməkdədir.Köhnə qaragüruhçu müxalifət qvardiyasının oyuncaq kimi ortaya atdığı, lakin sonradan bəzilərinin gözündə kuklanın bütə çevriləcəyindən qorxaraq yenidən arxa plana saldıqları Tofiq Yaqublu adlı birisi yenidən şou ilə gündəmə gəlmək istəyir.O birisi isə "Milli Şura"nın "primadonnası" sabiq millət vəkili Gültəkin Hacıbəyli...Uzun illər bu dövlətin çörəyini yemiş, sonradan əqidəsini 180 dərəcə dəyişən, Vətənindən, dövlətindən üz çevirən şəxsin hərəkətlərinin bir adı var - nankorluq.Çünki vaxtilə Azərbaycan iqtidarını bizdən daha yaxşı müdafiə edib. Deməli, o, bunu mandata, mövqeyə və statusa malik olmaq üçün edib.İndiki mövqeyi ilə G.Hacıbəyli ermənilərin sevimlisinə çevrilib...
Bax, budur G.Hacıbəylinin siması və mənəviyyatı. Gündə bir partiya dəyişən, partiyası, təşkilatı dəyişdikcə “əqidəsi”, mövqeyi də müstəvinin bir ucundan o bir ucuna sürüşən G.Hacıbəyli bu gün keçirilən dəstək aksiyasında bir neçə yüz adamın qarşısına çıxıb "haqq-ədalətdən" danışması, ümumiyyətlə, heç bir çərçivəyə sığmayan bir haldır. Çünki bu fərd hələ deputat olduğu dövrlərdə onlarla qaçqının və əlillərin və şəhid ailələrinin haqqına girərək, dövlətin onlara aid etdiyi torpaqlara güc yolu ilə sahib olub.
Xalq yaxşı bilir ki, bu fərdlər uzun illərdir ki, siyasi fəaliyyətlərindəki xainlik, dönüklük, satqınlıq və öz şəxsi maraqları üçün hər kəsi qurban verməklə məşğuldurlar.Gültəkin Hacıbəyli ilə Tofiq Yaqublu bir medalın üzü olaraq, hər ikisinin xisləti, məhz satılmağa köklənib.Satqınlara yalnız satqınlar dəstək veriblər ki, bu da "taylı tayını tapar" məsəlinin hər zaman özünü doğrultmasından irəli gəlir.
Yazımda qeyd etdiyim kimi hazırda Hollivud filmləri cəkən "Milli Şura" insanlara saxta qəhrəmanlıq obrazı, motivasiya, karyera ədəbiyyatı cəmiyyətə özləri haqda yalançı şəxsiyyət tipi qazandırıblar.Bu tip insanlar isə həqiqi şəxsiyyətin böyük çalışqanlıq və hüdudsuz zəhmət nəticəsində əldə olunan nemət olduğunu unudub: “bir kola, bir çipsi”dən ibarət menyusuna arxayınlaşıb qaranlıq otaqlarda saatlarla gop filmlinə baxıb bir neçə saatdan sonra  özlərini "manitor qəhrəmanları" sayıb başlayırlar atılıb düşməyə, hər konfliktdə isə özlərini arzulanmaz hala salırlar, onda başa düşürlər ki, çoxdan olar tarixin zibilliyindədirlər.
Fəxr edirik ki, dünya şöhrətli nəhəng bir şəxsiyyətin rəhbəlik etdiyi müstəqil ölkədə yaşayırıq və işləyirik.Ölkəmizin həm daxilində, həm də beynəlxalq aləmdə qazandığı uğurlar xalqımızın misilsiz və qalib sərkərdəsi İlham Heydər oğlu Əliyevin nailiyyətləridir. Məhz bu reallıqlara möhtərəm Prezidentimizin böyük dühsına ümid bağlayan beynəlxalq ictimaiyyət, ona həm də regionda sülh və əmin-amanlığın təminatçısı kimi baxır.
 Bəli, xalqımızın ən böyük və xilaskar, milli qüruru olan oğlu ilə öyünməyə haqqı var.
 Bu günki "siyasi dəllalların" boş boş danışıqları isə ən azı mənəviyyatsızlıq və ləyaqətsizlikdir. Bu şoular isə yüksək zirvədə dayanan dahi bir rəhbərin böyük şəxsiyyətinə kölgə sala bilməz. Biz adını "müxalifət"qoyan nadan adamların belə yersiz hərəkətlərinə ancaq təəssüflənirik.Milli xəyanətkarların yeri tarixin zibilliyidir və onlar sona qədər həmin zibillikdə qalacaqlar. Göründüyü kimi, əlavə şərhə ehtiyac yoxdur. Çünki tarix və onun canlı şahidləri heç nəyi və heç kimi unutmur. Necə deyərlə, hər şey elin gözü qabağındadır. Ən böyük tərəzi də, məhz odur.

PS: Ali Baş Komandan: “Nəyi, necə, nə vaxt etmək lazımdır, bunu mən bilirəm”.

Aygül Bağırova 
AJB üzvü