Azərbaycan-İtaliya tərəfdaşlığı

Azərbaycanın xarici siyasətinin üstünlüklərindən birini Avropa İttifaqı ilə əməkdaşlıq təşkil edir. Azərbaycan və Ermənistan arasında münasibətlərin normallaşdırılması prosesində Avropa İttifaqının səyləri böyük əhəmiyyətə malikdir. Avropa İttifaqının sülh prosesinə dəstəyi çox önəmlidir. İkinci Qarabağ müharibəsindən sonra yaranmış yeni reallıqlar, həmin reallıqlara uyğunlaşma və qonşu olaraq yaşamağı öyrənmək kimi məsələlərdə Avropa İttifaqının rolu və səyləri böyük əhəmiyyət kəsb edir. Avropa İttifaqının vacib dövlətlərindən olan İtaliya ilə əlaqələrin iqtisadi inkişafı təbii ki, siyasi dialoqun nəticəsidir. Son zamanlar Azərbaycan və İtaliya arasında münasibətlərin artan xətt üzrə inkişaf etdiyinin şahidiyik. Üçtərəfli Bəyanatın imzalanmasından sonra regionda sülhə xələl gətirmək istəyən Fransa, Belçika. Hollandiya parlamentindəki ultra-sağçı ermənipərəst qüvvələrin qəbul etdikləri tövsiyə xarakterli saxta çağırışlar fonunda biz həm 44 günlük müharibə, həm də ondan sonrakı atəşkəsdə Roma bir neçə dəfə Azərbaycandakı səfirlik vasitəsilə ölkəmizə dəstək bəyanatları verdi. Azərbaycan dövlət müstəqilliyini bərpa etdikdən sonra da iki ölkə arasında iqtisadi-siyasi əlaqələr inkişaf edib. İtaliya dünya miqyasında Azərbaycanın ən yaxın tərəfdaşlarından biridir. İtaliya Azərbaycanın strateji tərəfdaşlıq haqqında sənəd imzaladığı Avropa İttifaqına üzv olan 9 dövlətdən biridir. Transadriatik boru kəmərinin istismara verilməsi ilə Azərbaycan İtaliyanın mühüm təchizatçısına çevrilib. İki ölkə arsında mədəni əlaqələrin də böyük tarixi var. İtalyan memarlarını Şuşadakı tarixi abidələrimizi və məscidlərimizi bərpa etmək üçün dəvət edilməsi bunun ən yaxşı göstəricisidir. Azərbaycan sənaye miqyasında, tikinti, ticarət, kənd təsərrüfatı, rabitə xidməti və s. sektorlarda İtaliyanın 114 şirkəti fəaliyyət göstərir. İtaliya ilə iqtisadi-ticarət əlaqələri onu da sübut edir ki, Azərbaycanın Avropanın energetika sahəsində mühüm tərəfkeşi olması üçün geniş imkanlara malikdir. Sevindirici haldır ki, ikitərəfli münasibətlər mükəmməl hüquqi bazaya malikdir.
  Azərbaycan enerji lahiyələrin ən uğurlu etibarlı tərəfdaşlarindan biridir. Belə ki, Cənub Qaz Dəhlizinin 4 seqmentinin maliyyə yükünü ölkəmiz təmin eləyir. Avropaya Azərbaycan qazının çatdırılması Avropanın etibarlı enerji tərəfdaşı olaraq qiymətləndirilir. Ölkəmizdə neft və qazın Ümumdünya Məhsul həcminin əhəmiyyətli dərəcədə azaldılmasına nail olunması uğurlu siyasətin bariz nümunəsidir. Bu gün Azerbaycan uğurlu nəqliyyat strategiyalarının mərkəzindədir. İkinci Qarabağ müharibəsindən sonra Zəngəzur dəhlizi üçün mühüm irəliləyişlər müşahidə olunmuşdur. Azərbaycanın müstəqil siyasətinin, qətiyyətinin dəyişməz mövqeyinin nəticəsi olaraq beynalxalq aləmdə artan rolunun təqdimatıdır. 30 ilə yaxın dövrdə ikili standartlara əsaslanan siyasətin nəticəsi göz önündədir. Bütün hallarda Azərbaycan öz mövqeyindən bir addım da belə geri çəkilməyərək torpaqlarının işğaldan azad edilməsinə nail oldu. 
 
 Pərvin Yaqubova, İmişli RİHB Aparatı Sənədlərlə və vətəndaşların müraciətləri ilə iş şöbəsinin məsləhətçisi