İşğaldan azad edilmiş ərazilərimizin bərpası və həmin yerlərin inkişafı dövlətimizin ən ümdə prioritetlərindən biridir.

Ötən əsrin sonlarından 2020-ci ilin möhtəşəm qələbəsinə qədər Azərbaycanın əsas məqsədi, böyük amalı işğal olunmuş torpaqlarımızın, Qarabağın azadlığı olmuşdur. Bunun üçün, məhs bu gün üçün Azərbaycan dövləti siyasət yürüdür, bu istiqamətdə böyük işlər görülürdü. Nəticə isə aparılmış düzgün siyasət nəticəsində arzuladığımız ki, milli qürurumuz, ərazi bütövlüyümüz qorunmaqla həyat keçdi. Yağı düşmən it kimi qovuldu əsir yurdlarımızdan. Cah-cəlallı mədəniyyət beşiyimiz mənfur düşmənin əməlləri, barbarlığı, vandalizmi nəticəsində dağıdılsa da yenə gözümüzdə, könlümüzdə vicdan rahatlığı yaratdı. Bəli bu gün ölkəmizin qarşısında böyük vəzifələr durur azad edilmiş yurdlarımızla bağlı. Bizləri böyük bərpa işləri gözləyir. Qələbədən dərhal sonra Ali Baş Komandan cənab İlham Əliyev bu istiqamətdə gecikmədən ardıcıl və məqsədyönlü şəkildə işlərin görülməsi üçün bütün tədbirləri gördü. İlk öncə bu qədim diyarımız düşmən tərəfin xaincəsinə yerləşdirdiyi minalardan təmizlənməkdədir. Bəli bu erməni azğınlığının daha bir nümunəsidir. Ərazilərə mina yerləşdirilməsi, xüsusilə mülki insanlara zərər vermək məqsədi daşıyır. Bu azmış kimi minalanmış torpaqların xəritəsinin verilməməsi ermənilərin iç üzünün nə qədər riyakar, xəbis olduğunu nümayiş etdirir. Bu bir cinayətdir. Möhtərəm Prezidentimiz cənab İlham Əliyev bu məsələ ilə bağlı bildirmişdir: “Azad edilmiş torpaqlarda mina təmizləmə işləri birinci dərəcəli vəzifədir. Bu vəzifə icra olunmadan hər hansı bir inkişafdan söhbət gedə bilməz. Hətta hazırda yolların, dəmir yolunun çəkilişi ilə bağlı işləri də biz ancaq istehkamçılar o əraziləri minalardan təmizləyəndən sonra görə bilərik. Odur ki, orada istənilən fəallıq, istənilən inkişaf minalardan təmizləmə işindən aslıdır. Ona görə biz həm sürəti artırmalıyıq, eyni zamanda, minalardan təmizləmə işi elə aparılmalıdır ki, yenə də deyirəm, o işlər başa çatandan sonra hər hansı bir təhlükə olmasın”. Bəli məqsəd aydındır. Dövlət ilk öncə öz vətəndaşını, onun təhlükəsizliyini düşünür. Bu məsələyə beynəlxalq qurumlar da daha məsuliyyətlə yanaşmalıdırlar. Reallığı görüb də səssiz qalmamalıdır dünya ictimaiyyəti. İkili standartlar bu məsələdə yolverilməzdir. Artıq Azərbaycan dünya birliyindən torpaqları ilə bağlı ədalət gözləmir. Dövlətimiz öz problemini özü həll edib. Bu bizim üstünlüyümüzdür. Dünyada özünü sülhyaratma carçıları kimi qələmə verən təşkilatlar bu məsələdə artıq səssiz qalmamalıdırlar. Ermənistan rəhbərliyinə bununla bağlı təzyiqlər edilməlidir. Lakin həl ədə dünya bu işdə susur. Necə ki, torpaqlarımızın qaytarılması üçün həyata keçirilməli olan qətnamələrin yerinə yetirilməməsi kimi. Bütün bu çətinliklərə baxmayaraq Azərbaycan doğma torpaqlarımızın bərpası, yenidən qurulması və inkişafı üçün ən ali tədbirləri görməkdədir. Prezidentimizin qeyd etdiyi kimi: “Bizim ölkəmiz üçün yeni dövr başlayır. Yeni quruculuq dövrü, inkişaf dövrü, azad edilmiş ərazilərimizin bərpası dövrü. Mən tam əminəm ki, Azərbaycan xalqı bu dövrdə də birlik, həmrəylik göstərəcək, güclü iradə göstərəcək. Azərbaycan xalqı yenə də birləşərək dağıdılmış bu şəhərləri, kəndləri bərpa etmək üçün əlindən gələni edəcəkdir. Biz bundan sonra böyük və qürurlu xalq kimi yaşayacağıq. Beynəlxalq müstəvidə öz sözümüzü demişik. İstədiyimizə nail olmuşuq və əminəm ki, bundan sonra bizim xalqımızı təhlükəsiz və xoşbəxt həyat gözləyir”. Azərbaycan xalqıhər zaman olduğu kimi öz Liderinə bu gün də inanır və inanacaqdır. Xalq Dəmir Yumruğun ətrafında müharibə zamanı necə birləşmişdisə, Böyük Qayıdışda, Qarabağın bərpa işlərində də birlik, ümumi məqsəd naminə həmrəylik göstərəcəkdir. Qısa zamanda öz elindən, obasından didərgin düşmüş məcburi köçkünlərimiz artıq daha böyük ailələrlə öz yurdlarına qayıdacaqlar. “Bizim planlarımız böyükdür” deyən Prezidentimiz Qarabağda böyük quruculuq işlərinin planlı aparılacağını bildirir.

Ərazilərin bərpasına 2021-ci ilin dövlət büdcəsində 2,2 milyard manat vəsaitin ayrılması barədə qərar buna bariz nümunədir. Həmçinin 4 yanvar 2021-ci il tarixli fərmanla işğaldan azad edilmiş torpaqların bərpası və dayanıqlı məskunlaşma işlərinin daha yaxşı aparılması, təhlükəsiz yaşam və rifahın davamlı inkişafı üçün “Qarabağın Dirçəliş Fondu” yaradılması ümumi məqsədə xidmət edir. Dövlətimiz bu işlərdə dost, qardaş ölkələrin iştirakının hər zaman mümkünlüyünü qeyd edir. İnanırıq ki, Azərbaycan öz tarixi ərazilərini işğaldan özü azad etdiyi kimi, onun yenidən qurulmasını da qısa vaxt ərzində, mükəmməl səviyyədə tam təmin edəcəkdir. Bu bizim milli amalımızdır.

Şəhrəbanu Ağalarova

Neftçala rayon ziyalısı, müəllim

Kanal4.az

Emin Xuduyev