Ölkəmizin Qoşulmama Hərəkatında körpü rolunu oynamaqda böyük təcrübəsi var

Azərbaycan müstəqilliyini bərpa edəndən Avropa ilə əlaqələri genişləndirməyə üstünlük verib. Avropa İttifaqı ilə münasibətlər Azərbaycanın xarici siyasi kursunda üstünlük verdiyi məsələlərdəndir.Dövlətimizin başçısı İlham Əliyevin hər bir çıxışı Azərbaycanın keçdiyi inkişaf yolunun və onların fonunda qarşıda dayanan hədəflərin təqdimatıdır. Bu il aprel ayının 26-da ölkə başçısı Almaniyanın paytaxtı Berlində keçirilən “15-ci Petersberq İqlim Dialoqu”nun Yüksək Səviyyəli Seqmentində iştirak edib. Gələcək nəsillər üçün mühüm problem ola biləcək iqlim dəyişiklikləri və mövcud cətinliklərin aradan qaldırılması yollarının müzakirə edildiyi bu mötəbər tədbir zamanı Prezident İlham Əliyev həm də dünyanın aparıcı tele kanallarından olan “Euronews” telekanalına müsahibə verib.Azərbaycan təbii qazın çıxarılması, istifadəsi ilə bir vaxtda alternativ enerjiyə böyük önəm verir. Bu sahənin inkişafını, yaşıl enerji kimi vacib məqamlar dövlət siyasətimizin gündəliyində xüsusi yer tutur. Bərpaolunan enerjiyə xüsusi diqqət ayrılır, alternativ enerji mənbələri təsis olunur.Dövlətimizin başçısının müvafiq Sərəncamına əsasən 2024-cü ilin ölkəmizdə “Yaşıl dünya naminə həmrəylik ili” elan olunması həm də yaşıl enerji kimi mühüm məsələyə verilən diqqətin təzahürüdür. Dünyada çox azsaylı ölkə var ki, həm enerji resursları ilə əlaqədar qazıntı işləri aparsın, paralel olaraq da yaşıl enerji kimi vacib məsələni ön planda saxlasın.Prezident cənab İlham Əliyev “Euronews” televiziyasına verdiyi müsahibə zamanı hamını narahat edən iqlim problemlərinə həsr edilən və bu ilin noyabr ayında Bakı şəhərində keçirilməsi nəzərdə tutulan COP29 tədbirinin keçirilməsi məsələsinə diqqət çəkərək bildirdi ki, Biz bütün tərəflərin özlərini rahat hiss etdiyi bir mühit yaratmaq istəyirik. Ölkəmizin Qoşulmama Hərəkatında körpü rolunu oynamaqda böyük təcrübəmiz var. Bildiyiniz kimi, Hərəkata dörd il sədrlik etdik. Hesab edirəm ki, 120 üzv ölkə ilə biz həqiqətən də böyük tərəqqiyə nail olduq. Azərbaycan Avropa İttifaqına üzv olan ölkələrlə fəal işləyir. Bu gün  Üzv ölkələrin doqquzu ilə strateji tərəfdaşlıq haqqında Bəyannamə imzalamış və qəbul edilmişdir.Hazırda COP-dan əvvəl daha çox maliyyələşməni təmin etmək üçün Azərbaycan və neft hasil edən digər ölkələrin hansı əlavə töhfələri ola bilər kimi həmrəylik paketini yaratmaq üçün bir çox neft hasil edən ölkələrlə işlər aparılır. Azərbaycan həm də OPEC üzv ölkəsidir. Müsahibəsində ölkə başçısı vurğulayıb ki, neft hasil edən ölkələr, xüsusilə neftin qiyməti yüksək olanda problemin öhdəsindən gəlmək üçün daha çox ödəniş etməli və daha çox töhfə verməlidir. Prezident İlham Əliyev  həmçinin onu da qeyd edib ki, ölkələr malik olduqları təbii sərvətlərə görə mühakimə olunmamalıdırlar. Ölkələr onlardan necə istifadə etdiklərinə görə mühakimə olunmalıdırlar.Prezident İlham Əliyev müsahibəsində bildirib ki, COP üçün yenilik olan bir təşəbbüs Azərbaycan tərəfindən irəli sürülmüşdür. Bu təşəbbüs üçlük, üç ölkə mexanizminin yaradılmasıdır. Burada məqsəd bu üçtərəfli əməkdaşlıq formatını yaratmaq üçün BƏƏ-nin, Azərbaycanın və sonra Braziliyanın təcrübəsindən istifadə etməkdir. BƏƏ, Azərbaycan və Braziliya müxtəlif regional, iqtisadi, siyasi və sair məsələlərdə iştirak edir. Prezident İlham Əliyev müsahibəsində beynəlxalq aləmə birlik və həmrəylik çağırışı da edib. Belə ki, ölkə başçısı bütün dövlətlərin qarşılıqlı səylər, həmrəylik göstərməli və bir-birini günahlandırmağı dayandırmalı olduğunu bildirib.

Zamir Güvəndiyev,
YAP Şəmkir rayon təşkilatının sədr müavini