Millət vəkili akdemik Arif Paşayevin doğum gününü təbrik etdi

Kanal4.az xəbır verir,ki Ana Vətən Partiyasının sədri, millət vəkili Fəzail Ağamalı  akdemik Arif Paşayevin doğum gününü münasibətilə  təbrik edib.

Bu gün çox dəyərli ziyalımızın, Azərbaycan elminin ağsaqqalı, fizika və texnika sahəsində dünya səviyyəli alimimiz, Akademik Arif Mircəlal oğlu Paşayevin 90 illik yubileyidi.

Hər bir ustadın ömrü onun əsərləri, davamçılarının sayı ilə ölçülür. Unudulmaz yazıçımız, böyük alim, pedaqoq Mircəlal Paşayevin mənəvi təmizliyini, ziyalı keyfiyyətlərini və dərin təfəkkürünü bioqrafiyasında cəmləşdirən, taleyinə həm də Milli Aviassiya Akademiyasının qurucusu və rektoru kimi ucalıq yazılan Arif Mircəlal oğlu Paşayevi bu əziz gün münasibətilə təbrik edir, ona uzun ömür, can sağlığı arzulayıram.

Ölkənin elmi potensialının formalaşmasına və kosmik tədqiqatlara ciddi imzalar atan Akademik Arif Mircəlal oğlu aerokosmik və aeronoviqasiya sahəsində dünya səviyyəli alimlərdəndir. Adı Milli Aviasiya Akademiyasının qurucusu kimi tarixə daxil olan böyük alimlə, müəllim və qurucu rektorla, indi, təkcə onun pilot yetirmələri, davamçıları, doğmaları deyil, həm də tarixi qələbənin, Zəfərin sevincini yaşayan hər bir Azərbaycalı qürur duyur. 

Ardıcılları ilə səmamızın fatehinə çevrilən bu böyük şəxsiyyətdən, alimdən dərs alan şahin yetirmələri təkcə Mülki Aviasiyanın deyil, Hərbi Hava Qüvvələrinin inkişafına da əhəmiyyətli töhfələr verərək, 44 günlük tarixi zəfərdə misilsiz qəhrəmanlıqlar göstərdilər.

Çox dəyərli Arif müəllim! 

Artıq yetirmələrinizin, milli pilotlarımızın idarə etdiyi təyyarələr işğaldan azad olunmuş Qarabağ və Şərqi Zəngəzur Hava Limanlarında uçuşlar həyata keçirirlər.

Uca Tanrı Bütöv Azərbaycanın qapılarını onların üzünə açsın! Sizin kimi bir ziyalını, müdrük şəxsiyyəti, mütəffəkir alimi Vətənimiz Azərbaycana bəxş edən Ustad Mircəlal Paşayevin ruhu şad olsun!

Hörmətli, Arif müəllim!

Siz, eyni zamanda, xoşbəxt ata və babasınız. Adı milli dövlətçilik tariximizə həkk olunan xeyirxah və müdrik, ölkənin Birinci Vitse-Prezidenti Mehriban Əliyeva  Əliyeva  xanım Əliyevanın və Azərbaycan ədəbiyyatşünaslığına ciddi töhfələr verən AMEA-nın Vitse-Prezidenti, MDU-nun Bakı filialının rektoru, akademik Nərgiz xanım Paşayevanın atası, çox dəyərliLeyla xanım və Arzu xanım kimi istedadlı və nüfuzlu ictimai xadimlərin, görünüşü, duruşu və təmkinilə hər bir soydaşımızda rəğbət və sevgi qazanan Heydər İlham oğlu Əliyevin babasısınız. Ailə dəyəriniz və şəcərənizlə xalqımıza, dövlətimizə başucalığı gətirirsiniz. 

Uca Yaradan Sizi və ailənizi qorusun!
Sizi bir daha təbrik edir, uzun ömür və can sağlığı arzulayıram!

Dərin hörmət və ehtiramla,
Fəzail Ağamalı 
Millət vəkili, Ana Vətən Partiyasının sədri