Qalib Lider, Qalib Sərkərdə - İlham Əliyev!

Bu gün cəmiyyətin, sağlam ictimai mühitin formalaşmasında xüsusi rolu olan Azərbaycan səhiyyəsi özünün yeni inkişaf mərhələsini surətlə davam etdirir. Hər bir millətin tərəqqisinin əsas istiqamətlərindən biri olan elmə, təhsilə və səhiyyəyə göstərilən böyük diqqət və qayğı aparılan intibah hərəkatının üzvi tərkib hissəsi kimi Respublikamızın daha da inkişaf etməsini şərtləndirən əsas amillərdəndir.
Azərbaycan Prezidenti İlham Əliyevin bütün istiqamətlərdə həyata keçirdiyi siyasətin mərkəzində insan amili dayanır və bu siyasət ulu öndər Heydər Əliyevin idarəçilik ənənələrinin davamıdır.Təməli ulu öndər Heydər Əliyev tərəfindən qoyulmuş milli səhiyyə sistemi, hər şeydən əvvəl, səhiyyədə ənənəviliklə müasirliyin üzvi vəhdətinin təmin olunması, eləcə də Azərbaycan səhiyyəsinin dünya standartlarına uyğunlaşdırılması prinsiplərinə əsaslanır. Hazırda Azərbaycan Respublikasının Prezidenti cənab İlham Əliyevin səhiyyəyə  yüksək qayğı və diqqət göstərilməsi, yüksəkixtisaslı kadrların hazırlanmasına mühüm yer verilməsi sayəsində böyük uğurlar qazanılmaqdadır.
Dövlət başçısı tərəfindən aparılan islahatlar çərçivəsində qanunvericilik işinin tənzimlənməsi və bu işin əlaqələndirilərək icra olunması Milli Məclisin Səhiyyə komitəsinin, Səhiyyə Nazirliyinin, İcbari Tibbi Sığorta üzrə Dövlət Agentliyinin, Tibbi Ərazi Bölmələrini İdarəetmə Birliyinin birgə fəaliyyətləri ilə yerinə yetirilir.
“Mən istəyirəm ki, hər bir insan yaxşı yaşasın, hər bir insanın maddi imkanları artsın, uşaqlar yaxşı məktəblərdə oxusunlar, müəllimlər yaxşı məktəblərdə dərs desinlər. Həkimlər gözəl xəstəxanalarda işləsinlər və insanlarımız da sağlam olsunlar”,—deyən Prezident İlham Əliyev bu istəklərini gerçəkləşdirmək üçün vaxtını, qüvvəsini və səylərini əsirgəmir.  Azərbaycanda milli dövlətçilik ənənəsinin formalaşması və həyatın bütün sahələrini, o cümlədən tibb təhsili, tibb elmi və səhiyyə sistemimizi əhatə edən çoxşaxəli fəaliyyət, əldə olunan parlaq uğurlar, milli-mənəvi dəyərlərin təşəkkül tapması, tarixi soy-kökə qayıdış, azərbaycançılıq dəyərləri, dünyagörüşünün formalaşması məhz ulu öndərin ideyalarının reallığa çevrilməsinin məntiqi nəticələridir. Bu gün əminliklə deyə bilərik ki, Vətənimiz, xalqımiz və dövlətimizlə bağlı arzularının reallaşmasından Heydər Əliyevin ruhu şaddır. Ümummilli lider axıra çatdıra bilmədiyi arzuları, planları, işləri siyasi varisi İlham Əliyevin başa çatdıracağına inanırdı. Müzəffər Ali Baş Komandan İlham Əliyev də xoşbəxtdir ki, ata vəsiyyətini yerinə yetirdi- xalqın inamı və dəstəyi, özünün diplomatik qətiyyəti, rəşadətli ordumuzun gücü və qüdrəti ilə torpaqlarımızın 30 illik işğalına son qoyaraq xalqımıza və dövlətimizə Zəfər sevinci yaşatdı. Müzəffər Ali Baş Komandan İlham Əliyev Azərbaycanı qorudu və daha möhtəşəm bir zirvəyə ucaltdı. O, iki əsr davam edən münaqişəyə 44 gün ərzində son qoymaqla adını Dünya tarixinə qızıl hərflərlə yazdıran Şəxsiyyət oldu.
Hər birimizə məlumdur ki, sayılı günlər qalan 7 fevralda keçiriləcək Prezident seçkiləri Azərbaycan xalqının iradəsinə söykənir. Əminliklə söyləyə bilirik ki, Azərbaycan xalqı bir daha dövlət başçısına səs verəcək və ona Azərbaycanı daha ciddi uğurlara aparmaq üçün şərait yaradacaq. Prezident seçkiləri kampaniyası və seçkilərə hazırlıq işləri qanunvericiliyə uyğun olaraq uğurla davam edir.Birmənalı olaraq bildirirəm ki, cənab İlham Əliyevin alternativi yoxdur və qarşıdan gələn seçkilərdə partiyamızın namizədi parlaq qələbə qazanacaq. Və növbəti 7 il ərzində Prezident İlham Əliyevin rəhbərliyi ilə qalib Azərbaycan daha möhtəşəm nailiyyətlər qazanacaq.
Mən uzun illərdir YAP üzvü olaraq  seçiciləri 7 fevral tarixində seçki məntəqələrinə gəlməyə və partiyamızın lideri cənab İlham Əliyevə səs verməyə çağırıram. Azərbaycanın xoşbəxt gələcəyi Heydər Əliyev siyasəti və bu siyasəti uğurla davam etdirən cənab İlham Əliyevin adı ilə bağlıdır.
Qalib xalqın, Qalib Lideri ilə irəli..

Mərkəzi Klinik Xəstəxananın - Semaşkonun infeksion şöbəsinin 20 il şöbə müdiri həkim Arif Fərəcov