21 dekabr 2023 – cü il! Azərbaycan xalqı üçün yaşanan tarixi bir gün!.. 

21 dekabr 2023 – cü il! Azərbaycan xalqı üçün yaşanan tarixi bir gün!..  Xankəndi şəhərində futbol maçtının keçirilməsi dünyanın diqqətini cəlb etmişdir.Bir Azərbaycan vətəndaşı kimi  məni də çox sevindirdi. 30 ildən artıq düşmən tapdağı altında qalan Xankəndi  şəhəri  nəhayət, öz doğma  sakinlərini qarşıladı. Bu şəhər mənim üçün də doğma və əzizdir. Ömrümün  ən gözəl illərini - gənclik-  tələbəlik  illərimin şahidi olan doğma Xankəndi!
  Xankəndi  şəhəri,  sən artıq mənfur düşmənlərdən azad oldun!  Xalqımızın gözü aydın! Bu gün sənin görüşünə Ali  Baş Komandanımız İlham Əliyev, müzəffər  ordumuzun  qəhrəman  əsgər və zabit heyəti, öz sağlamlığını itirən qazilərimiz, həmin torpaqlar uğrunda  canlarını qurban verən  şəhidlərimizin  övladları  gəliblər. Bundan sevincli,  xöşbəxt  nə ola bilər? Məncə,  heç nə ...                                                                                         
Futbol  komandaları yarışa toplaşıb, bizim gözəl  Xankəndi  şəhərimizə.  Mediya  və idman komandalarının  iştirakçıları bu şəhərə toplaşıblar. Ora gedən  hər kəsin  üzündən  xoşbəxtlik  və sevinc yağırdı.  30 ildən sonra bu şəhərdə belə  möhtəşəm  bir yarışın keçirilməsi, əlbəttə  çox-çox  sevindiricidir. Bu  sevinci xalqa yaşadan  Ali Baş Komandanımız  İlham Əliyev  və ora gedən  nümayəndələri  Xankəndi  şəhəri  çox isti qarşıladı. Sanki Xankəndi – mənim doğma şəhərim  öz sakinləri üçün çox darıxmışdı. Prezident İlham Əliyevin  gəlişini gözləyən insalar  böyük təntənə ilə onu  qarşıladılar. Öz xanımı Mehriban Əliyeva  ilə birlikdə insanları  salamladı və  öz alovlu çıxışı ilə hamımızda sevinc və qurur hissləri oyatdı. Prezident İ.Əliyev qeyd etdi ki, ilk dəfədir ki,  işğaldan azad olan  ərazidə  futbol yarışı keçirilir. Bu  münasibətlə Azərbaycan xalqını təbrik etdi. Şəhid övladlarını və onların ailə üzvlərini salamladı.
 Bu futbol maçtının Xankəndində keçirilməsinin  çox böyük mənası var. Xankəndi qədim Azərbaycan diyarıdır.  30 il ərzində əfsuslar  olsun ki, bu şəhərdə separatçılar  yuva  salıblar. Ermənistan  elə hesab edirdi ki, bunu əbədi əlində saxlayacaq. Ancaq şanlı Azərbaycan  ordusu onlara və bütün  dünyaya sübut  etdi ki, bu bizim  tarixi əzəli torpaqlarımızdır. Üç ay bundan  əvvəl Xankəndi işğaldan  azad edildi. Bir günlük anti-terror əməliyyatı nəticəsində Azərbaycan öz dövlət suverenliyini tam təmin etdi.
   Bütün  Qarabağ  bölgəsində bu gün  Azərbaycan  bayrağı dalğalanır. Bu , böyük tarixi hadisədir.  Və bu tarixi bizim qəlbimizdə əbədi yaşayacaq, Azərbaycan   xalqı, dünya azərbaycanlıları  bu zəfər ilə bundan sonra da əbədi  fəxr edəcək. 
  Ali Baş komandan qeyd etdi ki, biz bu torpaqların  sahibləriyik, qurub-yaradırıq, o cümlədən  Xankəndi şəhərində, Xocalıda, Ağdamda və   digər  işğaldan azad edilmiş, ərazilərdə  geniş quruculuq, abadlıq işləri aparılır.
 Xankəndi şəhərindəki   stadion iki ay ərzində yenidən inşa edildi,  separatizm  simvolikasının əks etdirən bütün yazılar  artıq zibilxanalara atıldı.
İ.Əliyev bildirdi ki,  bügünkü oyunu nəticələrindən asılı olmayaraq qalib bəllidir. Qalib Azərbaycan xalqıdır, Azərbaycan dövlətidir.
Qarabağ, ordu, xalq birliyi bizim zəfərimizin  ən asas mənbəyidir.
    İkinci Qarabağ müharibəsində  işğal edilmiş  torpaqlarımızın  büyük bir  hissəsi işğaldan azad edildi. Qarabağımızın tacı olan Şuşa şəhərində Azərbaycan bayrağı dalğalandı. Üç ay bundan əvvəl isə- sentyabrın 19-20-də Xankəndi, Xocalı, Əsgəran, Xocavənd  Ağdərə  rayonları da düşmənlərdən  azad olundu.  
15 oktyabrda  bütün bu rayonlarda Azərbaycan bayrağı ucaldıldı.
   8 noyabrda Xankəndinin mərkəzində Zəfər  paradı keçirildi.  Bu gün isə Xankəndində  bu gözəl idman bayramını birlikdə qeyd edirik. Bundan sonra bu torpaqlarda  Azərbaycan bayrağı əbədi dalğalanacaq. Biz azərbaycanlılar da bu torpaqlarda əbədi yaşayacağıq.
 Bu möhtəşəm çıxışdan sonra ulu öndərimiz H.Əliyevin idman və idmançılar haqqındakı fikirləri videçarx vasitəsilə göstərildi və səsləndi.  Stadionda daxil olan prezident İ.Əliyev idmançılar, şəhid övladları ilə  görüşdü, xatirə şəkli çəkdirdi. Prezident ilk  topu özü meydana atdı. Bu rəmzi toxunuş  idi. 
    Beliklə, möhtəşəm yarış başladı. Bu möhtəşəm yarış hər birimizin qəlbində,  eləcədə  futbol tarixində  unudulmayan tarixi bir gün  kimi qalacaq.
 Bu bir ildə 1 əsr dəyişəcək işlər görən mənim Prezidentim. Ulu Tanrıdan sizə can sağlığı, tarix yazan illərinin  bir-birindən uğurlu olmasını  arzulayıram!
  Azərbaycana xöşbəxtlik gətirən Ali Baş komandanımız, Sizi həm öz adımdan,  həm də işlədiyim Xocavənd rayonu Salakətin kənd tam orta məktəbin müəllim kollektivi adından təbrik edirəm!
Bizə qələbələr sevinci yaşadan Prezidentimiz, qarşıdan gələn prezident seçkilərində sizə  uğurlar  arzulayır,  böyük həvəslə və sevgi ilə Sizi dəstəkləyirik!

 
Xocavənd rayon Salakətin kənd tam orta məktəbin  “ Tərəqqi “ medallı, Azərbaycan dili və Ədəbiyyat  müəllimi :                       T.Balakişiyeva.