Bəyanatın imzalanması ilə münaqişənin hərbi mərhələsi başa çatdı

     Azərbaycan xalqı Vətən müharibəsində qazanılmış şanlı Qələbənin üçüncü ildönümünü  Zəfər Gününü böyük coşqu, sevinc və qürur hissləri ilə qeyd edir.Çoxəsrlik tariximizə qızıl hərflərlə yazılan Qarabağ Zəfəri Müzəffər Ali Baş Komandan İlham Əliyevin qüdrətli sərkərdəliyi, qəhrəman əsgər və zabitlərimizin, şəhidlərimizin qanı və canı bahasına qazanılıb.27 sentyabr 2020-ci il tarixində Azərbaycan ordusunun mövqeləri növbəti dəfə Ermənistan silahlı qüvvələri tərəfindən intensiv atəşə tutuldu.Azərbaycan Respublikasının Ali Baş Komandanı cənab İlham Əliyev Ermənistan ordusunun döyüş aktivliyinin qarşısını almaq, mülki əhalinin təhlükəsizliyini təmin etmək məqsədilə Azərbaycan ordusuna bütün cəbhə boyu sürətli əks-hücum əməliyyatına başlaması barədə əmr verdi. Bu döyüşlərdə Azərbaycan ordusu böyük əzmkarlıq və qəhramanlıq göstərərək az bir müddətdə böyük irəliləyişlər əldə etdilər. Şanlı tariximizə “44 günlük müharibə” kimi düşən Vətən Müharibəsinin hər günü yeni ərazilərimizin işğaldan azad olunması, düşmənin böyük itkilər verərək geri çəkilməsi ilə müşahidə olundu. Azərbaycan həm döyüş meydanında, həm danışıqlar masası arxasında istədiyinə nail olub. Bütün dünya gördü ki, Azərbaycan xalqı heç vaxt məğlubiyyətlə barışmayacaq və gec-tez öz amalına qovuşacaqdır.Azərbaycanın əldə etdiyi qələbə və apardığı hərbi əməliyyatlar həm texniki imkanlar, həm də operativ addımlar, əməliyyatların hazırlanması və icra edilməsi baxımından bütün dünyada öyrənilir. Azərbaycan hərb tarixinə yenilik kimi düşən hərbi strategiyanı tətbiq edərək, ən müasir silahlardan istifadə etməklə qısa müddət ərzində düşməni darmadağın etdi. Azərbaycan ordusu bir birinin ardınca rayon və kəndlərimizi düşmən işğalından azad edir və düşmənə sarsıdıcı zərbə vururdu. 8 noyabr 2020-ci ildə Şuşanın işğalçılardan azad edilməsi düşməni çıxılmaz vəziyyətdə qoydu və Rusiya, Azərbaycan, Ermənistanın iştirakı ilə 10 noyabr 2020-ci il tarixində üç ölkənin dövlət başçıları tərəfindən bəyanat imzalandı. 10 noyabr tarixli Bəyanatın imzalanması Ermənistanın hərbi kapitulyasiyası demək idi . Bu Bəyanat uzun illər davam edən işğala son qoydu. 10 noyabr bəyənatın imzalanması ilə münaqişənin hərbi mərhələsi sona çatdı. Tarixi Azərbaycan torpaqları olan Ağdam, Kəlbəcər və Laçın rayonlarının bir güllə atılmadan belə azad edilməsi  Azərbaycanın hərb meydanında qazandığı möhtəşəm qələbənin diplomatiya müstəvisində davamı kimi  Zəfər tariximizin ən mühüm və parlaq səhifələrindən birinə çevrildi. Azərbaycan ərazi bütövlüyünü hərbi-siyasi yolla təmin etməklə öz qüdrətini bütün dünyaya nümayiş etdirdi. Böyük Qələbə təkcə Azərbaycanın ərazi bütövlüyünün və tarixi ədalətin deyil, eyni zamanda, milli qürurun bərpasının təzahürü idi. Üçtərəfli Bəyanat Azərbaycan Respublikasının bütün maraqlarını təmin edir.Azərbaycan xalqı 44 günlük müharibədə böyük birlik və həmrəylik nümayiş etdirərək, öz Ordusunun və Ali baş Komandanının ətrafında six birləşərək bütün dünyaya Azərbaycan xalqının əzmini və gücünü nümayiş etdirdi.Bu müharibədə düşmən ordusu darmadağın edildi.Azərbaycan döyüş meydanında qazandığı böyük qələbəni siyasi müstəviyə də daşıya bildi. 44 günlük “Vətən Müharibəsi ”Azərbaycan tarixinə ən şanlı səhifə kimi yazıldı.

Zamir Güvəndiyev,
YAP Şəmkir rayon Təşkilatının sədr müavini