İsraillə münasibətlərin inkişafı Zəngəzur dəhlizinin reallaşması ilə nəticələnəcək - RƏY

İsrail prezidenti İsxak Hersoqun Azərbaycana  rəsmi səfərini iki ölkə arsındakı münasibətlərin  daha yüksək bir  mərhələyə qədəm qoymasının təzahürü kimi dəyərləndirmək olar.

Bunu   açıqlamasında deputat İltizam Yusifov  deyib.

Onun sözlərinə görə, tarixən Azərbaycan xalqı ilə yəhudi xalqı arasında münasibətlər çox yüksək səviyyədə olub. “Lakin 1991-ci ildə Azərbaycan müstəqilliyini yenidən bərpa etydikdən sonra bu əlaqələr  dinamik inkişaf etməkdədir. Siyasi, iqtisadi-ticari, səhiyyə, kənd təsərrüfatı, texnologiya və  müdafiə sənayesi sahəsində çox sıx əməkdaşlıq münasibətləri qurulub.

 Beynəlxalq platformalarda İsrail və yəhudi lobbisi Azərbaycanın haqq səsinin dünya çatdırılmasıda xüsus rol oynayıb”, - o qeyd edib.

O əlavə edib ki, İsrail  İkinci Qarabağ savaşında da Azərbaycanın yanında  və onun haqq  mübarizəsinə dəstək verən ölkələr sırasında olub. “İkinci Qarabağ müharibəsindən sonra Azərbaycanın İsraildə  səfriliyini açması isə bu münasibətlərin daha  üst səviyyəyə qalxmasına  təkan verib və qarşılıqlı əməkdaşlıq imkanlarını daha da genişləndirib. O baxmdan da  İsrail prezidentinin Azərbaycana səfəri ikitərəfli əlaqələrimizin daha da gücləndirilməsinə öz töhfəsini verəcək.
Bu səfər indiyədək iki ölkə arasındakı etibarlı əməkdaşlıq münasibətləri gələcəkdə iqtisadi-ticari əlaqələrin, ticarət dövriyyəsinin,  birgə layihələrin işlənməsinə, turizm,  investisiya qoyuluşu,  müdafiə sənayesi, kibertəhlükəsizlik,  enerji, səhiyyə, kənd təsərrüfatı və digər sahələrdə daha sıx əməkdşalıq üçün geniş imkanlar açacaq. 

İsrail-Azərbaycan münasibətlərinin yeni bir mərhələyə qədəm qoyması Azərbaycanın Avrasiya coğrafiyasında  rolunu və nüfuzunu daha da artıracaq. Bu, Azərbaycanın ixrac bazarının  şaxələndirilməsinə, o cümlədən  İkinci Qarabağ müharibəsindən sonra  yaratdığı yeni reallığın həyat keçirilməsində, Orta Dəhlizin tranzit yükdaşıma imkanlarını genişləndirilməsi  və logistik haba çevrilməsi baxımdan xüsusi rol oynayacaq. Çünki İsraildə Azərbaycandan keçən Orta Dəhlizin imkanlarının genişlənməsində  ciddi maraqğı olan ölkədir. Bu da nəticə etibarı ilə Zəngəzur dəhlizinin reallaşması ilə bağlı Azərbaycanın mövqeyinin beynəlxalq müstəvidə möhkəmlənməsinə  xidmət edir. Bir sözlə bu səfər regional əməkdaşlığın yaranıb, təhlükəsizliyin təmin olunub, sülhün əldə edilməsində xüsusi  rol oynayacaq. Çünki səfər zamanı iki ölkənin lideri arasında ən ciddi müzakirə olunan məsələlərdən biri regional təhlüksəzilik məsələləri olub. Liderləri bunu yekun bəyanatda dilə gətiriblər”