Ən bədbəxt insan;  özünü və ətrafını tanımayandır

Bir zamanlar var idi ki, ətrafımda oturub durduğum çox insan var idi. Ən qəribəsi də o, idi ki, hərbiri ayrı-ayrılıqda "özünü ondan qoru" ifadəsi ilə mənə məsləhət verirdi. Özümü kimdən qoruyacağıma əmin olmaq üçün, onlarla həm toplu şəkildə və həmdə fərdi şəkildə oturub çörək kəsərdim. Sözün həqiqi mənasında onların dediyini etdim və özümü hərbirindən qorudum və çörək kəsiləcək ən etibarlı dostumunda ailəm olduğunun fərqinə vardım..

Çünki ailəm haqqında kimsə "özünü onlardan qoru" deməmişdi. Onlar özümü qoruyacağım yox, onları qorumağa çalışmaq borcum olan varlıqlardır. Hətta ailəm elə gözəl varlıqlardan ibarətdir ki, onlara çörək qazanmaq məqsədi ilə hərhansı məkana  gedərdimsə  " Allah səni qorusun" duası ilə məni yola salardılar.

Hərbiriniz  məni fərqli tanıyırsınız, kiminiz yaxşı insan kimi, kiminiz isə pis insan kimi. Bu Normal haldır. Bir insan hərkəs üçün nə yaxşı, nədə pis ola bilməz. Məni yaxşı insan kimi tanıyanlar çox gözəl bilirlər ki, mən əsla özümü yaxşı insan göstərmək üçün süni don geyinmirəm. Əgər bir manatım olubsa, onuda dostlarımla tən bölən olmuşam. Valideyn tərbiyəsindən çox yaşadıqlarımdan dərs almışam. Heç valideyn tərbiyəsi də görməmişəm deyərdim. Çünki 4-5 yaşımdan anam faciəvi şəkildə dünyasın dəyişib və atamda 3 (üç) yetim qalan körpəsinə çörək gətirmək üçün gecə-gündüz  çalışıb. Hətta 2-3 saat yuxu yatıb evdən getdiyini bilirəm. Az-çox zūlmlə pul qazanıb və bizlərə gün ağlayıb. Ən azından kirayələrdə yaşamırıq.. kirayədə yaşasaydıq, bəlkədə sürünürdük..

Doğrudur atam şəxsən mənimçün bir vaxtlar tamamı ilə fərqli ata olub. Bütün imkanların istər mənim, istərsə də bacılarım (yeznələrim) yolunda xərcləyib. Birmənalı olaraq atalıq borcunu layiqincə yerinə yetirib. Bugünləri nəyin necə olmasından aslı olmayaraq boynumuzda ödənməz haqqı var və məndə övladım üçün eləyəm. 
Atamın ən böyük arzusu məni diplomat (səfir) görmək olub. Düzün desək 5-ci sinifdən bütün fənnlər üzrə repitetor yanına göndərib və lazımi qədər xərc çəkib. Lakin mən cahillik etdiyim üçün,  o, zamanlar Univeristet oxumaqdan imtina etdim.
Hərbi xidmətimi başa vurduqdan sonra da, böyük şanslarım yarandı. Lakin yenədə cahillik imkan vermədi. O, vaxt ki, təfəkkürüm tamam fərqli idi. Düşünürdüm ki, əşşi imkan həmişə olacaq və mən ərköyün uşaq kimi "şellənəcəm". Gənc yaşlarımdan yanıldığımın və işləməyənə "əppəyin" olmadığının fərqinə vardım. Bunu bilirsinizmi nə zaman anladım?
Üzr istəyirəm yenicə ailə qurduğum illər ərzində bir gün idi və elə bir gün idi ki, pulsuzluqdan kartda işıqlar qurtarmış, gecəni səhərə kimi dizlərimi qucaqlayıb ağlayaraq açmışdım. Lakin "tiri" başqa gözdə aramırdım. Özümü və ağılsızlığımı qınayırdım..
Tale elə gətirdi ki, 5 il övladsızlığla imtahan olundum. Oğlum Səfər dünyaya gələndə 32 000(otuz iki min) manat borcum var idi. Bunun təxminən 2000-2500 sələm idi. Allah elə bir qapılar açdı ki, həmin borcları bağlaya bildim. Təki 2020-ci ilin 4 iyun tarixinə kimi şah kimi yaşadıq. Çünki demək olar ki, 2-3 işdə işləyirdim. Pandemiyadan sonra vəziyyət acınacaqlı duruma düşdü. Bacım 2018 ci ildən xərçəng xəstəliyinə, özüm isə ürək xəstəliyinə düçar olduq. 2020-ci ilin iyun aylarında hipertoniyadan (təziq) komaya düşdüm. Amma ölüm nəsibim olmadı. Bacımla eyni ərəfələr müalicəyə gələn xəstələrin isə,  heçbiri  sağ deyil. Hərbiri dünyasın dəyişdi..
Allah onada möhlət verdi.
Allahın bugünə çox şükür ki, yüzlərlə problemimin olmasına baxmayaraq, 33 yaşımda sevdiyim ixtisas üzrə Univeristetə daxil olmaqda nəsibim oldu..

Hə əzizlərim..
Birazda məni pis kimi tanıyanlardan bəhs edim və mövzunu tamamlayım.
Mən əslində heçkimə qarşı pis olmamışam və olada bilmərəm. Mənim xislətimdə pislik yoxdur. Hətta el dili ilə desək qarışqa tapdayacaq ürək belə yoxdur məndə. Çünki mən bu həyata pislik etmək üçün gəlmədiyimin və ilahi tərəfindən bəlli sonu olan ömrümün olduğunun fərqindəyəm.
Məni sadəcə pis qələmə verənlər vardır ki, insanın inkişafa getdiyi və getmək istədiyi yolu kəsmək onların adət-ənənəsidir. Mən əsla incimirəm elə adamlardan. Çünki, allah hərkəsi bir funksiyanı yerinə yetirib tamamlamaq üçün göndərib dünyaya. Məsələn ürəyin,qaraciyərin,mədənin və bağırsağın öz funksiyası var və hərbiri öz işini görür. Məsələn hərbiri yırtıcı olsa da, Aslanın, Canavarın, Timsahın və Çaqqalın öz kalibırı və yeri var. Bu, o, demək deyildir ki, Aslan varsa, niyə Çaqqal var? 
Allah heçnəyi səbəbsiz yaratmayıb.

Cənnət varsa, Cəhənnəm də var!

Xatırlayıram uşaq idim və Novruz bayramı ərəfəsi idi. Bilirsiniz də, bizim uşaqlıq dövrümüzün Novruz bayramı ərəfələri  yumurta döyüşməyin başqa ləzzəti var idi. Toyuqlarımı yumurtlamadığından qonşuya getdim və pay yumurta istədim. Lakin qadın mənə bildirdi ki, yumurtalarla toyuq basdırıb və yumurta verməsi mümkün deyildir. Məndə başa düşüb çıxıb getdim. Evimizin yanında "Ətdi kişi" adı verdiyimiz bir elman əmimiz var idi ki, onun magazasına gedib, ondan nisiyə yumurta istədim. O, bizə heçnəyi otkaz etməzdi və Elman əmi mənə nisiyə iki yumurta verdi. Yumurtaların ən bərk olanın seçib götürmüşdüm və həmin iki yumurtanın hesabına onlarla yumurta udmuşdum. Sevinə-sevinə evə gəlirdim ki,  toyuqları qırt yatan qonşu qabağımı kəsdi. Aha oğrunu tapmışam! Sənə demədim ki, toyuq qırt yatıb? Niyə hindən yumurtaları oğurlayıb döyüşməyə aparmısan?  
Gəl-gəl atana deyim səndə gör..
 Atamda evimizin mətbəxində oturub çay içirdi. Bu qadın necə trka verdisə, atam da qarşı tərəfi dinləməyən "reket jurnalistlər" kimi başladı məni sözlə çiləməyə. Düzdü qəti məni döyməyib. Ama elə mürəkkəb cümlələr qurudu ki, döysə idi yaxşdı..
Bu danladıqca məni, and içirəmki, Ata vallah  Elman əmidən yumurtanı nisiyə almışam, lap qəzəblənirdi. Məndə ağlaya-ağlaya qadına qarğış, ah-nalə tökürəm ki, mënə şərr atır. Atam mənim Elman əmidən yumurtanı nisiyə aldığımı o zaman eşitdi ki, qazın üzərində olan çaydan aşdı qadının üstünə və qadın yandım deyə qışqıranda;  "gördün şərrin özünü yandırdı" dedim.
Atam elə bil ayıldı ki, yumurtanı hardan almışam dedin? Dedim Elman əmidən nisiyə almışam. Pul verdi ki, get borcunuda ver və yenə yumurta al döyüşdür..

İnsan pis olmasa belə,  onu pis kimi qələmə verən məxluqlar var, olub, olacaq da. Mərdi qova-qova isə, namərd etmək olmur. Onun qanında mərdlik varsa, elə qovulanda da mərd kimi çıxıb gedəcək!

Qeyd: Əgər kiminsə haqqına girdiklərim varsa (iddia edirsə) və ya mənim barəmdə ona güya ki, onun haqqına girmişəm barədə informasiya alan varsa, xahiş edirəm birbaşa özümə bildirsin. Çünki şarlatanların tüğyan etdiyi dövrdəyik və istəmərəm ki, hərhansısa insanın mənə qarşı qəlbində kini olsun. Kininiz olacaqsa belə üzümə qarşı nifrətinizi gizlətməyin. Mən düz üzümə qarşı nifrətində ifadə edən insanları çox istəyirəm. Çünki onlar dürüst insanlardır..

Cavid Səfəroğlu araşdırmacı jurnalist.