“Səmimi” qonşu, “dost” ölkə: İranın “əzələ nümayişi” ona baha başa gələcək

 Faşizmdən daha təhlükəli farsizm rejimi ənənəvi terror metodunu işə salmağa başladı

İran tarixboyu güneyli-quzeyli Azərbaycanın varlığını özünə təhdid hesab edib və qarşıdurmanın yeni mərhələsinə start verib. Dünya bu gün səhəri Azərbaycanın İrandakı səfirliyinə edilən terror hücumu ilə açdı. “Kalaşnikov” silahı ilə silahlanmış şəxs Azərbaycan səfirliyinə hücum edərək, mühafizə xidmətinin rəisini qətlə yetirdi, iki nəfəri yaraladı. İran hökuməti bu hadisəyə görə cavab vermək əvəzinə, məsuliyyətndən qaçmaq üçün müxtəlif fərziyyələr uydurur.Fars rejimi bu qanlı hadisəni İran vətəndaşı Yasin Hüseynzadənin adı ilə bağlamağa və şəxsi və ailə problemləri ilə izah etməyə çalışmaqla əslində bu terrorun əsil təşkilatçılarını gizlətməyə, onların cinayətinin üstünü ört-basdır etməyə çalışır. Bu sərsəm açıqlama həm də Tehran hökumətinin əsil qatilləri müdafiə etməsi anlamına gəlir.
İran hər zaman terrora dəstək verdiyi bütün dünyaya məlumdur. Tarixə nəzər yetirsək, indiyə qədər İranda səfirlik, konsulluq, beynəlxalq nümayəndəliklərə, xarici vətəndaşlarla hücumlarla bağlı xeyli fakt görə bilərik. İranın tarixi xarici diplomatlara və diplomatik nümayəndəliklərə terrorçu münasibəti ilə zəngindir. Uzaq 1829-cu il yanvarın 30-da tehranlılar Çar Rusiyasının İrandakı səfirliyinə hücum edib, səfir, tanınmış rus yazıçısı Aleksandr Qriboyedov və səfirliyin mühafizəsini təşkil edən 35 kazakı qətlə yetirmişdilər.

Qriboyedovun meyiti tanınmaz hala salınmışdı.
İran hər zaman terrora dəstək verdiyi bütün dünyaya məlumdur. Tarixə nəzər yetirsək, indiyə qədər İranda səfirlik, konsulluq, beynəlxalq nümayəndəliklərə, xarici vətəndaşlarla hücumlarla bağlı xeyli fakt görə bilərik. İranın tarixi xarici diplomatlara və diplomatik nümayəndəliklərə terrorçu münasibəti ilə zəngindir. Uzaq 1829-cu il yanvarın 30-da tehranlılar Çar Rusiyasının İrandakı səfirliyinə hücum edib, səfir, tanınmış rus yazıçısı Aleksandr Qriboyedov və səfirliyin mühafizəsini təşkil edən 35 kazakı qətlə yetirmişdilər.Qriboyedovun meyiti tanınmaz hala salınmışdı.

1979-cu ildə İranda özlərini "İmam Xomeyni yolçuları" adlandıran bir qrup tələbə ABŞ-ın Tehrandakı səfirliyinə hücum edərək 53 amerikalını girov götürüb, onları 444 gün girov saxlayıb.

2011-ci ildə yüzlərlə tələbə Böyük Britaniyanın İrandakı səfirliyinə hücum edib, səfirliyin binasının ələ keçirib, pəncərələri sındırıb, səfirliyi talan edib.

Növbəti oxşar hadisə isə 2016-cı ildə baş verib. İranda radikal kütlə tərəfindən Səudiyyə Ərəbistanın Tehrandakı səfirliyi və Məşhəddəki konsulluğunun binaları yandırılıb.

Bütün bunların ardınca, bu gün də Azərbaycan səfirliyinə silahlı hücum onu deməyə əsas verir ki, İranda heç bir səfirliyin, diplomatik nümayəndəliyin toxunulmazlığına zəmanət yoxdur.Hadisənin baş verdiyi andan terrorun ört-basdır edilməsi, terrorçunun qorunması, terrorun mahiyyətinin təhrif edilməsi üçün bir-birinin ardınca yalan məlumatlar və açıqlamalar yayan İranın bu xain hücumu obyektiv araşdırmayacağını bəri başdan əminliklə söyləmək olar.Terror aktında daha kimin əli olduğu və mövzuların nə qədər uzandığı Tehranın vəd etdiyi “hərtərəfli araşdırma” zamanı aydınlaşdırılmalı olacaq. İran araşdırma işinə başlasa da, çox güman ki, hadisənin əsl səbəbini yalnız Azərbaycan xüsusi xidmət orqanları üzə çıxaracaq. Bu baxımdan, Azərbaycan səfirliyinin Tehrandan təxliyəsi ilə bağlı qərar təəccüblü görünmür.Azərbaycan diplomatların isə İranda daim təhdid altında olduğu aydın olduğu üçün onların Bakıya qayıtması vacibdir.
Öz xalqını əzən, yoxsulluğa düçar edən, azad sözü, azad medianı qadağan edən, ölüm düşərgəsinə çevrilmiş həbsxanalarında vicdan məhbuslarına amansız işgəncələr verən İran rejiminin İslam əxlaqı ilə əlaqəsinin olmadığı aşkardır. Bu ideologiya daha çox məcusiliyə, əmmaməli kişilər Əhrimənin əsgərlərinə bənzəyirlər.Məlumdur ki, öz humanistliyi ilə diqqət çəkən İslam dini terroru və onun hər cür təzahürünü lənətləyir. Bu baxımdan özünü İslam dininin “alınmaz qalası” hesab edən İran sadəcə regionda deyil, bütün dünyada terrora və terrorizmə qarşı mübarizənin ön səflərində  olmalı idi. Ancaq nə qədər qəribə olsa da, İran terror yuvası, terrorçuların isə himayədarıdır.Bu gün molla rejiminin davranışlarına baxan müsəlmanların verdiyi sual budur - İslam İranın harasındadır?!
Baş verənlər bunu deməyə əsas verir ki, İran Azərbaycana olduğu kimi İslam dininə münasibətdə də eyni dərəcədə riyakardır. Əks halda, terrorçular yuvası olan İran İrəvana “qardaş” deməz, öz dini kimliyinə isə xəyanət etməzdi.
Cənab Prezident İlham Əliyevin terror aktı ilə bağlı etmiş olduğu paylaşımda  səfirliyə hücumu pisləyərək "terror aktının" araşdırılmasını və "terrorçuların" cəzalandırılmasını tələb etməsi mesajından isə İran ciddi nəticə çıxartmalı, hansı qüvvə ilə üz-üzə gəlmək istədiyini anlamalıdır.Azərbaycana qarşı açıq-aşkar təxribatları ilə terrorçu Ermənistanı dəstəkləyən, İranın despot hakimiyyəti, molla rejimi bilməlidir ki, bu dünyada heç bir xəyanət cavabsız qalmır və gec-tez İran da  insanlığa qarşı etdiyi xəyanətə görə cavab verməli olacaq!

PS:Bu terror zamanı həlak olmuş mühafizə xidmətinin rəisi Orxan Əsgərov Azərbaycanın (Gəncəmin)  cəsur və qorxmaz övladı kimi Şəhidlik Zirvəsinə ucaldı.Həlak olmuş qəhrəmanımızın ailəsinə baş sağlığı verir, allahdan səbir, yaralıların tezliklə sağalmasını diləyirik.

Aygül Bağırova 
AJB üzvü