Ermənistanın xilası Azərbaycandır, əksi isə məkrli planları ilə birlikdə iflasdır - Açıqlama

“Ermənistan və onun havadarları Azərbaycan Prezidenti İlham Əliyevin yerli media nümayəndələrinə verdiyi müsahibədəki mesajlarından düzgün nəticə çıxarıb, sülh prosesi istiqamətindəki pozuculuq fəaliyyətlərinə son verib, bölgədə sülh şəraitində birgəyaşayışa nail olmaq üçün təxirəsalınmaz konkret addımlar atmalıdır. Onsuz da Ermənistanın Bakının təklif etdiyi sülh planından başqa seçimi yoxdur.  Bunun əksi Ermənistanda böhranların davam etməsi və daha da dərinləşməsi deməkdir”.

Bunu “Ölkə.Az”açıqlamasında deputat İltizam Yusifov deyib.

Onun sözlərinə görə, bu gün Ermənistan tərəfli ikibaşlı oyunlar oynayıb, sülh prosesini pozmaqla məşğuldur: “Amma unudurlar ki, Azərbaycan onların çoxbaşlı oyunlarından xəbərdardır və bu oyunları pozacaq. Sonunda indiyədək olduğu kimi, gələcəkdə də özləri bu oyunların qurbanına çevriləcəklər”.

Deputat əlavə edib ki, Azərbaycan Prezidentinin bəyan etdiyi kimi, 2023-cü il ermənilər üçün son şans olacaq. 

“O baxımdan da nə qədər gec deyil, erməni tərəfi vaxtı dəyərləndirib, buna uyğun addım atmalıdır. Sonra isə gec olacaq və daha ağır şərtlərlə üzləşməli olacaqlar.

Birincisi ona görə ki, dünyadakı geosiyasi, geoiqtisadi reallıqlar dəyişməkdədir və baş verən dəyişikliklər hər ötən gün Ermənistanın ziyanına, Azərbaycanın isə xeyrinə işləyir. Proseslər Azərbaycanın beynəlxalq aləmdə ciddi aktor rol oynayan ölkə kimi önəmini ortaya çıxarmaqda və mövqeyini möhkəmlənməkdədir. Azərbaycan bu gün təkcə enerji təhlükəsizliyinin təminatı baxımdan deyil, eyni zamanda bu gün dünya üçün əhəmiyyətli dərəcədə mühüm rol oynayan tranzit yükdaşıma, logistika sahəsində də ciddi aktor rolu oynamaqdadır. Bu gün Azərbaycan logistik sahədə Qərblə-Şərq, Şimalla-Cənub, Qərblə-Cənub arasında bir qovşağa çevrilib.

İkincisi, Azərbaycan milli maraqlarına əsaslanaraq baş verən dəyişikliklərə və qlobal çağırışlara uyğun  gələcəyəyönəlik çevik siyasət yürüdərək, həyata keçirməkdədir.

Üçüncüsü, 44 günlük Vətən müharibəsindən sonra bölgədə yaratdığı yeni reallaqıların təmin olunması istiqamətində hərbi, iqtisadi gücünü artırmaq istiqamətində məqsədyönlü siyasət həyata keçirməkdədir. Azərbaycan iqtisadi gücünü artırmaqla yanaşı, hərbi və hərbi sənaye kompleksinin dövrün tələblərinə uyğun şəkildə qurulması istiqamətində ciddi addımlar atır. 
Dördüncüsü, beynəlxalq müstəvidə aktiv diplomatiya yürütməklə informasiya müharibəsində qarşı tərəfi zərərsizləşdirib, Azərbaycana qarşı planları dəf edir. BMT Təhlükəsizlik Şurasında Fransa tərəfinin Azərbaycanla bağlı hazırladığı sənədin qarşısını alınması bunun bariz nümunəsidir.  

Növbəti əsas amil isə Ermənistanın uzun zaman müttəfiqi olduğu ölkəyə arxa çevirib, özünə yeni ağa axtarışı ona baha başa gələcək.

Bir sözlə dəyişən dünyamızda baş verən proseslər ürüdülən məqsədyönlü siyasət nəticəsində Azərbaycanın rolunun artması dövlətimizin gücünə əlavə güc qatmaqla, daha geniş imkanlar qazandırmaqdadır. Bu da Azərbaycana qarşısına qoyduğu hədəflərə nail olmağa imkan verir. Belə olan vəziyyətdə Ermənistanın üzləşdiyi çıxılmaz durumdan yeganə xilas yolu Azərbaycandır. Ancaq və ancaq Azərbaycan və Türkiyə ilə normal münasibətlər qurulması nəticəsində Ermənistan bir dövlət olaraq öz gələcək təhlükəsizliyini təmin edib, inkişaf mərhələsinə qədəm qoya bilər. Əks halda isə məkrli planları ilə birlikdə iflasa uğrayacaq”