Türkmənistan türk dünyasının Mərkəzi Asiyaya açılan qapısıdır

3 qardaş ölkə arasında tarixi gün: Birinci Üçtərəfli Zirvə Görüşü

Türkmənistan türk dünyasının Mərkəzi Asiyaya açılan qapısıdır

Azərbaycanla Türkmənistan diplomatik münasibətlərin əsası 1992-ci ilin iyunundan qoyulsada zəngin karbohidrogen ehtiyatlarına malik bu iki türk dövləti  arasında siyasi əlaqələr Prezident İlham Əliyevin son illər apardığı çoxvektorlu siyasətin nəticəsi olaraq siyasi, iqtisadi əlaqələri  genişlənməkdədir. Elə 14 dekabr tarixində  Prezideni İlham Əliyevin və Birinci Vitse Prezident Mehriban Əliyevanın Türkmənistana səfəri Türkiyə Respublikası və Türkmənistan Dövlət Başçılarının Birinci Üçtərəfli Zirvə Görüşündə iştirak etməsi bunu deməyə əsas verir. Səfər çərçivəsində dövlətimizin başçısının şərəfinə Türkmənbaşı şəhərinin beynəlxalq aeroportunda fəxri qarovul dəstəsi düzülməsi, Türkmənistan Nazirlər Kabineti sədrinin müavini, xarici işlər naziri Rəşid Meredov və digər rəsmi şəxslər tərəfindən qarşılanma mərasimi İlham Əliyevin bir daha dünya arenasında lider rolunun və nüfuzunun göstəricisi idi.
İlk olaraq İlham Əliyevin Türkmənistan Parlamenti Xalq Məsləhətinin sədri Qurbanqulu Berdiməhəmmədov ilə təkbətək görüşü keçirildi.Görüşdə Qurbanqulu Berdiməhəmmədov Türkmənistan, Azərbaycan və Türkiyə arasında ilk dəfə Zirvə Görüşü keçirilməsinin ölkələr arasında enerji ehtiyatları tədarükünün şaxələndirilməsi və  tranzit-nəqliyyat əlaqələrinin möhkəmləndirilməsi ilə dövlətlərdə  geosiyasi və geoiqtisadi münasibətlərin inkişafında mühüm rol oynayacağından danışdı.Bu il artıq ikinci dəfə qardaş Türkmənistana səfər etməsini söyləyən İlham Əliyev iki qardaş ölkənin  bütün sahələrdə qardaşlıq, dostluq əlaqələrindən məmnunluq hissi duyduğunu  bildirib.Uzun illərdir Türkmənistan-Azərbaycan əlaqələrinin inkişafı istiqamətində önəmli addımlar atılması əhəmiyyətini  vurğulayan dövlət başçısı ölkələr arasındakı əlaqələr ilə ticarət dövriyyəsi bir neçə dəfə artdığını eyni zamanda nəqliyyat, tranzit sahəsində də böyük irəliləyiş olduğunu söylədi. İlham Əliyev üç qardaş ölkənin Türkmənistanda görüşməsini əlaqələrin yeni səviyyəyə qaldırılması kimi dəyərləndirdi. 
Daha sonra  İlham Əliyevin, Türkiyə Prezidenti Rəcəb Tayyib Ərdoğanın və Türkmənistan Prezidenti Sərdar Berdiməhəmmədovun geniş tərkibdə görüşü keçirildi.Görüşdə ölkələrimiz arasında əməkdaşlığın daha da inkişaf etdirilməsi  siyasi, iqtisadi, ticarət, energetika, nəqliyyat-logistika və mədəni-humanitar sahələrdə əməkdaşlığın inkişaf etdirilməsi perspektivləri ətrafında geniş fikir mübadiləsi aparılaraq, dövlət başçıları tərəfindən birgə sənədlər imzalandı. Səfər çərçivəsində 5 mühüm ticarət-iqtisadi, gömrük, təhsil, energetika, nəqliyyat sahələri üzrə olan sənədlərin imzalanması ölkəmizin çoxvektorlu, balanslı, çevik və müstəqil olan xarici siyasətinin dinamikliyi və intensivliyi ilə seçildiyini və konkret nəticələr verdiyini növbəti dəfə bütün dünyaya nümayiş etdirdi.

Türkmənistanla Azərbaycan arasında təhlükəsizlik və müdafiə sanayesinin  inkişaf etdirilməsi zamanın tələbidir

Prezidenti İlham Əliyev də səfər çərçivəsində çıxışı zamanı vurğuladı ki, Vətən müharibəsində əldə olunmuş Zəfər nəticəsində Qarabağ münaqişəsi həll edildi və bu Qələbə regionda yeni nəqliyyat-kommunikasiya layihələri üçün əlverişli imkan yaratdı.Hazırda dünyada yeni çağırışlar və təhdidlər  olduğunu vurğulayan dövlət başçısı digər sahələrlə yanaşı ölkələrimiz arasında təhlükəsizlik, müdafiə sənayesi kimi sahələrdə də əməkdaşlığın genişləndirilməsi böyük önəm daşıdığını qeyd etdi.
Nəqliyyat sahəsində də əlaqələrimizin geniş potensialını vurğulayan İlham Əliyev 2022-ci ilin ilk 10 ayında Azərbaycan ərazisindən keçən ümumi tranzit daşımalarının həcmiin ötən ilin müvafiq dövrü ilə müqayisədə 80 faizdən çox artdığını söyləyib. Zəngəzur dəhlizinin Azərbaycan ərazisindən keçən hissəsində aparılan işlərin dəmir yolu xətti üzrə 40 faizi, avtomobil yolu üzrə 70 faizi icra olunduğunu söyləyən İlham Əliyev 2024-cü ildə bu işlərin tamamlanması ilə yeni nəqliyyat dəhlizi yaranacağını bildirdi.Çıxışında Bakı Beynəlxalq Dəniz Ticarət Limanı ildə 15 milyon ton yükdaşıma qabiliyyətinə malik olmasını və bu həcmin 25 milyon tona çatdırılması üçün vəsaitin ayrılması nəzərdə tutulduğunu söyləyən ölkə başçısı Türkiyədən və Türkmənistandan olan şirkətləri bu Zonanın imkanlarından faydalanmağa dəvət etdi.
Çıxışın sonunda İlham Əliyev “Bir daha Azərbaycan-Türkiyə-Türkmənistan üçtərəfli formatında görüşün önəmini vurğulamaq istərdim. Ümid edirəm ki, belə görüşlər bundan sonra müntəzəm olaraq keçiriləcək və qardaş ölkələrimiz arasında münasibətlərin daha da inkişaf etməsinə böyük töhfə verəcək”- deyə qeyd etdi.
Daha sonra Prezidenti İlham Əliyevin Türkiyə Respublikasının Prezidenti Rəcəb Tayyib Ərdoğanla görüşü olub.Görüşdə ikitərəfli dostluq və qardaşlıq münasibətlərimizin bu il də bütün sahələrdə daha da genişləndiyi vurğulanıb. Birgə keçirilmiş hərbi təlimlərin müvəffəqiyyətlə başa çatdırıldığı qeyd olundu. Siyasi, hərbi, iqtisadi, nəqliyyat, energetika, müdafiə, müdafiə sənayesi sahələrində əməkdaşlığımızın bu il də uğurla davam etdirildiyi bildirildi.Görüş əlaqələrimizin perspektivləri barədə fikir mübadiləsi aparılmaqla davam etdi.

 Aygül Bağırova