Şanlı zəfərə gedən yolun 17 illik bir tarixi var.

27 sentyabr ölkəmizdə 44 günlük müharibəsinin başlandığı gün həm də bu yolda öz canını fəda etmiş şəhidlərin Anım günüdür. Bu münasibətlə prezident İlham Əliyev Fizuli rayonunun Qaraxanbəyli kəndinin yaxınlığından  xalqa  müraciət etmişdir. Qaraxanbəyli kəndi və digər beş kənd müharibənin ilk günündə işğaldan azad edilmiş kəndlərdir.İlk şəhidlərin verildiyi yerdən böyük hüzn, eyni zamanda fəxlə ölümə gedən Azərbaycan əsgəs və zabitlərinin tarixi xidmətlərini qeyd edən Ali Baş komandan Şanlı Zəfərin qazanılmasının başlıca səbəbi kimi ordu və dövlətlə həmrəy olan xalqın torpaqların azad edilməsində  iddialı olmasında görür.
Ölkəmiz işğaldan azad olunmuş torpaqların sahibləri bu torpaqlara yenidən həyatı qaytarır. “Qəhrəman əsgər və zabitlərimizin fədakarlığı, qəhrəmanlığı sayəsində bu gün biz azad edilmiş torpaqlarda qurub yaradırıq, şəhərlərimizi, kəndlərimizi bərpa edirik və həm də şanlı Zəfərimizlə fəxr edirik” deyən prezident İlham Əliyev  Şanlı Zəfərin başladığı yerdən müraciət etməsinin əsas səbəbi odur ki, bununla dünyaya çatdırır ki, işğal olunmaş ərazilər Azərbaycan dövlətinin maraqalarında başlıca yer tutur. 
 Bu gün xalqımız ölkəmizin daxili və xarici siyasətini dəstəkləıyir, çünki xalq özünün dəmir yumruqlu liderinə inanır və güvənir və bu inam güvən qarşılıqlı xarakter daşıyır.
Dayanmadan, usanmadan irəli gedən Azərbaycan əsgərinin 44 gün ərzində 300-ə yaxın şəhər və kəndi düşməndən azad edilməklə düşməni kapitulyasiya aktına imza atmağa məcbur etmişdir deyən ölkə başçısı böyük Zəfərin qazanılmasında başlıca vəzifəni döyüşən ordunun əsgər və zabitlərinin yerinə yetirdiyini bütün çıxışlarında olduğu kimi yenidən qeyd etdi.
Şanlı Zəfərə gedən yolun əslində 17 illik bir tarixi var. Bu dövrdə ölkədə aparılan bütün daxili və xarici siyasət sanki məhz həmin 44 gün üçün hesablanmışdı. Azərbaycan dövləti qarşısında öz məsuliyyətini dərk edən, vətənpərvərlik və azərbaycançılq ideyalarına sadiq yetişən gənc nəsil, məharətli hərbi strategiya, qətiyyətli  siyasi iradə,çevik və təsirli informasiya siyasəti,xalq birliyi, Vətən sevgisi, milli həmrəylik bu böyük tarixi missiyanı gerçələşdirilməsinin şərtləndirən başlıca amillər oldu. Xoşbəxt nəsilik ki, biz bu tarixi hadisənin həm şahidləriyik, həm də iştirakçılarıyıq. Bizdən sonra gələn nəsillər həmişə bu şanlı tarixlə fəxr edəcəklər.
Müharibənin ölkədə yaratdığı sosial həssas təbəqə şəhid ailələri, qazilər və müharibə iştirakçılarına öz xüsusi diqqət və qayğısını göstərən dövlət başçımız ölkədə bunun hamının hətta sadə vətəndaşların belə borcu olduğunu qeyd edən dövlət başçımız  özünün tarixi missiyasını yerinə yetirərkn onunla çiyin-çiyinə dayanmış həmin insanlara öz şəxsi rəğbət hissini qeyd edir.
“Şərəfli missiya bu gün yaşayan nəslin üzərinə düşüb. Xoşbəxt nəsilik ki, biz bu tarixi hadisənin həm şahidləriyik, həm də iştirakçılarıyıq. Bizdən sonra gələn nəsillər həmişə bu şanlı tarixlə fəxr edəcəklər” deyən ölkə başçısı özünün və şanlı ordumuzun  gələcək nəsillər üçün fəxr dolu, təmizlnmiş milli qürürmuzu ən böyük əmanət olaraq qoyduğunu nəzərdə tutur.
Bütün baş verən hadislərin fonunda ölkə başçısı belə bir fikirdədir ki, Azərbaycan xalqı qoymayacaq ki, bir daha düşmən başını qaldırsın, qoymayacaq ki, bir daha bizim üçün təhdid yaratsın. Çünki artıq ordu və xalq ədalət uğrunda öz ərazisində döyüşməyin necə uca bir məqam olduğunu yaxşı bilir.
Bu gün dünyanın gözündə yeni bir Azərbaycan modeli formalaşıb. Dünyada söz sahibi olan böyük dövlətlərin liderləri yaxşı dərk edir ki, bölgədə Azərbaycan kimi güclü bir dövlətlə, onun prinsipial siyasi iradəyə sahib bir prezidenti ilə və hakimiyyətlə birlik olan xalq ilə  bütün sahələrdə hesablaşmalıdırlar. Çünki  bu birlik böyük bir gücə malikdir. Məhz bu birlik  ölkəmizin artan gücünün, o cümlədən hərbi gücü müstəqilliyimizin, rahat həyatımızın təminatçısıdır, onun qarantıdır. 

Fərqanə Ağalarova