Cənab Prezident tərəfindən aparılan silsilə islahatlar ölkəmizin gələcək inkişafını təmin edəcəkdir

Ümummilli Lider Heydər Əliyevin əsasını qoyduğu daxili və xarici siyasət kursunun onun layiqli davamçısı Prezident İlham Əliyev tərəfindən uğurla davam etdirilməsi sayəsində ölkəmiz bugünkü yüksəlişə və inkişafa nail olub. Xalqımızın Ulu Öndəri Heydər Əliyev tərəfindən əsası qoyulan Azərbaycan dövlətinin əsaslarının möhkəmləndirilməsi məhz Prezident İlham Əliyevin liderlik keyfiyyətləri, zəkası, siyasi iradəsi və uzaqgörənliyi sayəsində mümkün olub. Ölkə başçısı cənab İlham Əliyev öz fəaliyyəti ilə Heydər Əliyev ideyalarının layiqli davamçısı olduğunu göstərməklə yanaşı, dəyişən regional və qlobal realıqlar şəraitində ölkənin stabil milli maraqlarını qoruya bilmək qabiliyyəti ilə özünün əsl siyasi lider olduğunu isbatlayıb. 
Dövlətimizin başçısı cənab İlham Əliyevin siyasi iradəsi əsasında həyata keçirilən ardıcıl islahatlar nəticəsində bu gün Azərbaycan inkişafdadır və müstəqil dövlət kimi özünün ən uğurlu dövrünü yaşayır. Zəngin çoxəsrlik tarixində Azərbaycan heç vaxt indiki qədər güclü olmamışdır. Cənab Prezident tərəfindən aparılan silsilə islahatlar ölkəmizin gələcək inkişafını təmin edəcəkdir.
Prezident İlham Əliyevin rəhbərliyi ilə həyata keçirilən uğurlu daxili siyasət kursu sayəsində demokratik inkişaf, hüquqi dövlət və vətəndaş cəmiyyəti quruculuğu yönündə də mühüm nəticələr əldə olunub. Demokratik inkişaf yolunda həyata keçirilən sistematik tədbirlərin qanunauyğun nəticəsi kimi, Azərbaycanda təkmil siyasi sistem bərqərar olub və hüquqi dövlət quruculuğu artıq başa çatıb.
Prezident İlham Əliyevin rəhbərliyi ilə daxili və xarici siyasət sahəsində görülən işlər, əldə edilən nailiyyətlər Azərbaycan dövlətinin qüdrətinin artmasında ifadə olunur və mövcüd siyasi kursun alternativsiz olduğunu sübut edir. Bu gün hər bir Azərbaycan vətəndaşı iqtidarın siyasi kursunun alternativsiz olduğunu qeyd edir. Xalqımız dövlətimizin başçısı cənab İlham Əliyevin rəhbərliyi ilə həyata keçirilən siyasətə inanır və etimad göstərir. Cənab Prezident də öz növbəsində xalqın etimadını doğruldaraq Azərbaycan dövlətinin milli maraqlarını hər zaman müdafiə etmiş, xalqımıza verdiyi bütün vədləri, qarşıya qoyduğu bütün vəzifələri icra etmiş, Azərbaycanın ərazi bütövlüyünü və suverenliyini bərpa etmişdir.
2020-ci ilin 27 sentyabrında başlanan Vətən müharibəsi Ali Baş Komandan İlham Əliyevin qətiyyəti, xalqın birliyi və Ordumuzun gücü nəticəsində Zəfərlə sona çatmışdır. Müzəffər Ali Baş Komandan İlham Əliyevin rəhbərliyi altında Azərbaycan Silahlı Qüvvələri 44 gün davam edən Vətən müharibəsində düşmən üzərində tarixi qələbə çalaraq tarixi nailiyyətə imza atmışdır. Müharibənin nəticəsində 300-dən çox şəhər və kənd döyüş meydanında işğaldan azad edildi. Düşmən ağ bayraq qaldırdı, təslim oldu və məcbur oldu ki, noyabrın 9-dan 10-na keçən gecə kapitulyasiya aktına imza atsın. Bunun nəticəsində yüzlərlə şəhər və kənd bir güllə atmadan, bir şəhid vermədən geri qaytarıldı. Ölkənin 30 ilə yaxındır ki, pozulmuş ərazi bütövlüyünün bərpası və xalqımızın mədəniyyət beşiyi hesab olunan Şuşanın azad olunması Prezident İlham Əliyevin Zəfər zirvəsidir. Prezident İlham Əliyevin “Biz birlikdə güclüyük” şüarı xalqın qalib ruhunun güzgüsüdür. İqtisadi böhranlara, beynəlxalq təzyiqlərə və pandemiyanın yaratdığı çətinliklərə rəğmən dövlət başçısı xalqa arxalanaraq Azərbaycanı inkişafa doğru aparır.

Şövqi Həsənov,
YAP Şəmkir rayon Təşkilatı Aparatının əməkdaşı